-Sörfað á börum borgarinnar!-

Saumaskapur, sveitasæla og silfurfyllingar

2004-10-08T00:25:00.000Z

Ég er búin að vera á fullu síðustu daga við að ganga frá lausum endum áður en lagt veður í ´ann. Fór heim í sveitina á sunnudag og slapp við ofsaveður, sem er sérstakt í ljósi þeirra annáluðu "heppni" sem hefur elt mig í nokkur ár. Ég er búin að vera ansi framtakssöm síðustu daga og saumaði nokkuð og föndraði. Náði meira að segja smá session hjá tannlækninum og get ég nú glaðst yfir því að það er einni silfurfyllingunni færri og ég á eflaust eftir að sjarmera nokkra brimbrettagaura upp úr skónum með nýju fyllingunni minni sem er svona líka ósýnileg!

Hvað sem öllum fyllingum líður þá hef ég líka verið mjög dugleg að éta á mig forða, enda verða engin veisluföng á borðum okkar Guðrúnar í útlandinu, kannski hrísgrjón í góðri sósu með keyptu vatni á hátíðis- og tyllidögum...jú og kannski kíwí í eftirrétt meðan við túrum Nýja Sjáland. Á morgun fer ég svo í brunch á Hala í Suðursveit og ætla að hita Halamenn sem eru annálaðir fyrir að vera höfðingjar heim að sækja. Eftir það verður stefnan tekin í ómenninguna og svínaríið í Reykjavíkinni, enda er markmiðið að mála bæinn rauðann í tilefni að heimsreisunni. Slíkt gefur óneitanlega tilefni til að gera eitthvað af sér....það verða allir búnir að gleyma því í vor þegar fjöldi fólks hefur gert slíkt hið sama yfir dimmustu vetrarmánuðina í þeirri veiku von að lífga upp annars fábreyttnar kjaftasögur.

Við Gunsa gella höfum startað nýju bloggi; http://www.bjorbumbur.blogspot.com þar sem ykkur kæru lesendur, mun gefast kostur á að fylgjast með ferðum okkar á bari jafnt sem á Balineskar helgiatafnir. Það gæti þó verið að ykkur muni gefast tækifæri á að lesa um ferðir okkar á prenti, en meira um það eftir helgi ;)

Jæja...eftir því sem ég best veit þá er lyklaborðið á tölvunni ekki vatnsvarið, svo ég held að ég fari að slútta þessu áður en ég fer að slefa yfir tölvuna...enda kominn háttatími fyrir löngu.

Over and out...

Snillingur

2004-09-28T10:25:00.000Z

Rakst á heimasíðu

Ami Vitale

á Netinu en fram til þessa vissi ég ekki hver þessi snillingur var. Ami er blaðaljósmyndari og tekur stórkostlegar myndir um víða veröld. Endilega kíkið á síðuna hennar en myndir hennar láta engan ósnortinn, hvort sem fólk hefur áhuga á ljósmyndun eða ekki.

Deginum bjargað

2004-09-15T15:49:00.000Z

Rétt í þessu kom guðdómlega fallegur Norsari, hávaxinn dökkhærður og með gul/græn augu inn á skrifstofuna. Ég svaraði fyrirspurn hans, og ímyndaði mér okkur tvö í norskum ullarpeysum, sitjandi saman á ísbjarnarskinni við arineld í norskum fjallakofa. Hef aldrei á ævinni séð eins undarleg og sérstök augu, örugglega svona augu sem skipta um lit. Ég fór fram og náði í bæklinga handa honum og sá módelkærustuna hans sem beið eftir honum. Möguleikarnir á að við myndum enda tvö í ullarpeysufaðmlögum fjöruðu því ansi snöggt út í bláinn. Vonandi hitti ég eineggja tvíbura hans í Ástralíu, ég myndi sætta mig við hann.

Hejsa

Legið undir feldi

2004-09-10T12:53:00.000Z

Síðan ég táði mig síðast þá hefur æði margt gerst, þrátt fyrir fyrri fullyrðingar um atburðaleysi í einkalífi, ég ætla þó ekki að fara nánar út í þau mál á þessum vettvangi ;)Ég flutti úr íbúðinni á Eggertsgötunni um mánaðarmótin og það verður að segjast að ég kem sjálfri mér alltaf á óvart í hvert skipti sem ég flyt, þ.e.a.s hversu mikið drasl hefur náð að hlaðast upp frá síðustu flutningum. Ég var síðan svo helv. útsjónarsöm að selja næsta innflytjanda rúmið mitt á 5000 kall, en hún fékk gardínur, bastkörfu, tvær íslenskar símaskrár en karfan og símaskrárnar gegna reyndar mikilvægu hlutverki sem rúmfótur en tvíeykið leysi þykkar mannfræðidoðranta af hólmi.
Ég er semsagt flutt inn til Daggar og við höfum gert með okkur einkar góðan leigusamning, en húsleiga verður borguð í formi matvæla og rauðvíns. Það er skemmst frá því að segja að ég held að nú þegar sé ég búin að borga 2/3 af mánuðinum, enda rauðvínið gott fyrir hjartað.
Á morgun fer ég svo í réttarferð með úllunum, en 110 stóreygðir útlendingar og 4 fylgfiskar munu tæta af stað og fara í réttir í uppsveitum Suðurlands. Það verður eflaust áhugaverð ferð enda ekki á hverjum degi sem maður sér útlendinga reyna að draga hina Íslensku sauðkind svotil beint í sláturhúsið. Það verður eflaust rigning svo ég mun sjá nokkra lotur af leðjuslag. Ekki skemmir fyrir að mentor minn í sænskri menningarfræðslu lætur eflaust sjá sig, enda alltaf til smá action.
Nóg um það. Á þriðjudaginn eru nákvæmlega 4 vikur þangað við Gunsa Gella leggjum land undir fót. Tilhlökkunin er að færast yfir okkur hægt og rólega, en satt best að segja er þetta enn frekar óraunverulegt (þrátt fyrir borgaða farmiða, plágusprautur, tryggingarbleðla, etc.) enda er mig búið að dreyma um Ástralíuför síðan ég vann að verkefni um Ástralíu í 9.bekk í Nesjaskóla. Merkilegt nokk, þá var það líklega eitt af fáum verkefnum í grunnskóla sem ég vann að einskærum áhuga.
Og þá er það spurning dagsins. Í hverju eru gellur klæddar í réttum? Allar hugmyndir vel þegnar, ég á engan gellulegan útivistarfatnað, svo ég tali nú ekki um joggingbuxur. Þeim henti ég úr fataskápnum hjá mér þegar rassinn á mér fór að stækka.
Hejdo!

Leynd sjónvarpsfíkn og atburðaleysi í einkalífi

2004-08-20T16:32:00.000Z

Mín leynda sjónvarpsfíkn er farin að skila sér í verulega bjagaðri mynd af raunveruleikanum, ekki það að ég viti ekki að sjónvarpið segi ekki alltaf satt, heldur hefur ekki nægilega mikið gerst í einkalífi mínu síðustu mánuði til að hugsanir og dagdrauma mínir nái að yfirgnæfa sjónvarpsfíknina.

Eftirfarandi er smá auka vitneskja sem ég hef náð mér í í gegnum sjónvarpsáhorf síðustu vikur:

Fólk giftist í alvörunni vegna peninga -sá brúðkapsþáttinn já, sem er reyndar ekki í neinu uppáhaldi. Þegar tilvonandi hjón voru spurð hvernig þau sæju sjálf sig fyrir sér í ellinni glottu þau og litu hvort á annað og sögðu; "já við ætlum allavega að fá okur viðbótarlíferyisspðarnar...haha. Já, ja við ætlum að hafa það gott, vera rík og njóta lífsins í sólinni eins og núna". Það var sko sól. Ekki minntust þau einu orði á ást og hamingju og elska hvort annað í ellinni. Viðbótarsparnaðurinn var málið.

Sá mynd sem eflaust BBC hefur úthlutað samtökum þunglyndra og manic depressive að gera í UK. Þarna var fjallað um þann möguleika að Norðurskautið myndi bráðna og golfstraumurnn breytast. Það myndi m.ö.o þýða helvíti á jörð og sérstaklega í Evrópu þar sem það yrði ekki bara skítkalt, heldur nánast óbyggilegt hérna vegna kulda. Það væri þó engin von í að flytja annað, þar sem þurrkar myndu verða svo extreem annars staðar í heiminum að það væri heldur ekki búandi þar. Of höfum á hreinu, þetta gæti gerst innan 20 ára. Í miðri hitabylgju var mér ekki skemmt yfir þessum tíðindum.

OL- Horfði á setningarathöfnina sem var sagan endalausa með löndum sem ég hef ekki oft heyrt um, og því síður að ég gæti bent á þau á korti. Svo um daginn, á sunnudaginn ætlaði ég heldur betur að fara að horfa á OL í þynnkunni...en nei nei þá var bara verið að sýna Formúluna. Ég skipti því á Skjá einn og entist á að horfa á fyrri hálfleik Everton og Arsenal, en tveir lykilleikmenn áttu þó helstan þátt í því, þeir Fredric Ljungberg og e-r dökkhærður, krúnurakaður í Everton. Fallegir fótboltamenn gera líf mitt skemmtilegra, ég gæti jafnvel gerst svo gróf að koma með svona pick-up línu þegar ég kem til Ástrlaíu: "Do you play football?" Fallegi strákurinn með strandarlúkkið: "Yes, why?" Ég, ( me sjoppulegan daðursvip): "Well honey, because I have a thing for footballers!"

Horfði líka á strandblak kvenna, en miðað við hegðun leik-kvenna hef ég dregið þá ályktun að þær séu flestar lellur, bæ í það minnsta. Líkamleg snerting var alsráðandi og greinilegt að graður Grikki var á tökuvélinni. Miðað við efnislitla keppnisbúninga kvenna, hugsaði mér gott til glóðarinnar fyrir strandblak karla, en nei nei! Þeir voru í víðum hlýrabolum og síðum stuttbuxum, ég átti ekki til orð vegna vonbrigða, skipti næstum aftur á Everton-Arsenal. Beið líka spennt eftir dýfingum, en sá 3 stungur. Ekki nema von að enginn keppandi í dýfingum komi frá Íslandi, íslenska þjóðin veit líklega ekki að það sé keppt í dýfingum.

Sjónvarpsáhorf mitt síðustu vikna ber mikinn vott um að ekkert sé að gerast í einkalífi mínu. Ég á nokkra vini og kunninga sem eru með spurninguna "hvað er að frétta af þér Brynja, ertu að date-a eða komin með kærasta?"í áskrift, svo ég tali nú ekki um Ömmu gömlu. Needlest to say, þá er svarið alltaf það sama. Ég er búin að sjá fram á að ég þarf verulega að bretta upp ermarnar, ja eða skálmarnar í þessu tilviki og undanfarna daga hefur ég verið að rækta púkann í mér og það er kominn það mikill púki að Ítalir og aðrir ættu að vara sig. Hef staðið sjálfa mig að verulega sjoppulegu daðri við Ítali sem eru í mesta sakleysi að koma til Íslands sem skiptinemar, en það er líklega tímaspurnsmál hvernær þeir lenda í klóm íslenkra kvenna. Ég hef líka sótt ansi mikið í sænska menningarfræðslu, þó ekki verklega.

En jæja...best að byrja á brúnkumeðferðinni. Verst að ég næ ekki að klára e-n bikinikúr fyrir morgundaginn, verð því að sætta mig við rúllupylsulúkkið sem fylgir stífum sokkabuxum.

Chiao Bellas!

My evil twin og ég...og togsteitan þarna á milli

2004-08-08T22:18:00.000Z

Loksins..loksins gætu sum ykkar verið að hugsa núna. Svo virðist sem bloggleti mitt hafi ekki farið vel í mannskapinn svo ég ákvað að halda fólkinu góðu og blogga aðeins. Reyndar ætti ég að vera löngu farin að sofa en ég svaf ekki mikið í morgun...en ég kom heim um hálf 7 í morgun...enn í miklu stuði og "lékk lánaðann" borða hjá nágranna mínum sem á stóð "The party is here" með fallegum bleikum stöfum. Ég veit ekki alveg hvað ég ætlaði að gera með borðann. Hann gæti þó komið að góðum notum síðar.

Það hefur ýmislegt gerst síðan 21. júlí, en ég fór ma á reunion sem var dúndur stuð. Við fórum í keilu og svo partý til Berglindar. Ég fór svo á djammið og var að skralla fram undir næsta morgun. Þegar ég kom svo heim bauð ég henni Skottu á Grenimel að gista hjá mér. Hún fékk sér svo einn einfaldann af mjólk fyrir svefnnn og kúrði svo hjá mér. Það komu síðan gestir, ein vinkona mín og vinur hennar og að sjálfsögðu var þeim líka boðin gisting. Við sváfum svo eins og ein stór hamingjusömu en óhefðbundin fjölskylda, ég, kötturinn, vinkona mína og vinur hennar. Strákurinn og kötturinn fóru svo um hádegisbilið, líkt og flestar hjásvæfur.
Um verslunnarmannahelgina fór í prinsessuleik og keyrði heim í sveitina. Ég bauð Emmu og Gunsu með mér. Á laugardeginum fórum við svo á flugeldasýningu á Jökulsárlóni en Guðrún varð eftir í Flatey hjá Sigrúnu. Nú my evil twin var ríkjandi þetta kvöldið enda fullt tungl. Ég drakk því ótæpilega og það vildi nú ekki betur en svo til, að ég gleymdi Guðrúnu í Flatey, drapst í bílnum á leiðinni heim, og neitaði svo að fara út bílnum þegar við vorum komin í hlaðið...og kallaði Hödda frekann í ofanálag! Sunnudagurinn fór því nær allur í að dekur fyrir Guðrúnu til að bæta henni upp gleymskuna og að sannfæra mömmu og Hödda að ég væri aldrei svona full og myndi aldrei týna neinu...og því síður gleyma vinkonum mínum á djamminu. En eins og ég sagði...það var fullt tungl og ég alveg spinnigal.

Á fostudaginn fór ég út í Viðey með hóp útlendinga sem eru á íslenskunámskeiði hér til að undirbúa sig fyrir veturinn. Ég eignaðist strax nokkra suðræna aðdáendur (ég ætla leyfa mér að trúa því) og sjarmeraði þá auðvitað upp úr skónum. Sænsku strákarnir í hópnum voru rosa miklir dúddar og sögðu mér m.a að Fjóla væri orð yfir lessu í Svíþjóð. Ef ég eignast stelpu mun ég ekki skíra hana Fjólu, ég vil því hér með koma þökkum á framfæri við Björn og Daniel, fyrir þessa merkilegu sænsku kúltúrfræðslu. Um kvöldið var svo haldið á djammið og sörfað á börunum. Það var mikið skrall á okkur og mikið tjútt líkt og ávallt. Í gær fórum við svo aftur úr...kannski meira að skyldurækni en brennandi eldmóði. Ég hitti glerlistalúðann sem ég kynntist í janúar. Hann er eflaust búinn að vera atvinnulaus allan tímann og því ekki átt bót fyrir boruna á sér, og því síður pening til að stunda barina. Kúlið hans er því eftir því, þó hann sé sætur strákur og allt það. Ég sá hann svo rölta heim með e-i gellu sem var með hálfgerða Austur-Evrópska hárgreiðslur aka 80´s perm frá helvíti. Kannski er hún frá Austur Evrópu og setur því atvinnuleysi hans ekkert fyrir sig, enda vön slíkum aðstæðum að heiman.

Mér fannst ég rosa gella í gær...en ég varð ekki vör við að gaurarnir væru á sama máli, það fór eitthvað lítið fyrir því. Eina snertingin sem ég fékk fyrir utan troðninginn í biðröðinni á KB var frá gellu á Vegamótum sem var uppþvottarhanska og strauk á mér hárið! Ég ætla ekki að reyna að fatta þessa píu frekar en risavaxna kúka listaverkið sem ég sá á Klink og Bank sýningu! Þwtta var stór pappamassi á stærð við voldugt mahogni stofuborð, upprúllað eins og hudaskítur. Svo voru litlir sjónvarpsskjáir í "kúknum" sem sýndu still myndir af hundaskít á grasblettum borgarinnar. Og fólk fer í 3 ár í háskóla til að gera svona kjaftæði og leyfa sér að kalla það list...well....I don´t get it!

Ég fékk áðan fyrirtaks hugmynd um það hvernig eyða mætti sunnudagskveldi án félagsskaps við aðila að hinu kyninu sem oft virðist vera æskilegur kostur á sunnudagseftirmiðdegi....en það er SPA! Já ég fór í um klukkutíma spa og prufaði nýja Blue Lagoon maskann sem Emma keypti handa mér. Ég var svolítið múmíuleg á tímabili þegar þetta var allt þornað en þetta var rooooosa góður maski. Ég mun því eflaust koma mér upp SPA rútínu á sunnudagskvöldum, allavega á meðan engum finnst ég sæt á börum borgarinnar og sem er tilbúinn að eyða sunnudeginum með mér. Ég veit ekki alveg hvort mér tekst að líta út eins og Elle McPherson fyrir Ástralíu, en með þessu SPA áframhaldi verð ég í það minnsta með silkimjúkt hár og húð...sem ætti að vera tilbreyting fyrir veðurbarna og sjávarsaltaða ástralska brimbrettagaura.

Rokkprik helgarinnar fær:
Gróa gella fyrir að vera búin að höstla fótboltagaur. Ég bind miklar vonir við að fá að hitta vini hans við tækifæri.
Guðrún, Dögg, Kamilla fyrir skemmtilega helgi.
Starfsfólkið á Gulliacan fyrir eindæma góða þjónustu og þolinmæði við þunnildi (þunnt fólk)
Allir í Gay pride göngunni...sérstaklega leðurhommarnir. Ég dáðist að þeim fyrir að játa kenndir sínar jafn augljóslega og raun bar vitni.

Sjoppuleg svitabönd fá eftir taldir aðilar:
Dyravörðurinn á Kaffibarnum. Ef ég gerist e-n tíman dyravörður (efast reyndar stórlega um það) þá verður honum ekki hleypt inn á skemmtistaðinn sem ég vinn á.
Kamilla fyrir að leyfa mér ekki að tala við ákveðinn strák sem ég vil meina að skuldi mér 5000 hið minnsta. (Kamilla fær samt meira svona töff svitaband...ekki sjoppulegt)
Allir stætu gaurarnir á djamminu í gær sem voru ekki að fatta hversu mikill kjarna kvennkostur ég er.
Gummi TH. neeeeed I say more?!

Fjaðra-fullnæging

2004-07-21T21:30:00.000Z

Í gær sá ég píu í 10-11 í gær með fjaðraeyrnalokk frá mér. Það er gaman til þess að vita að fólk út í bæ er að styrkja heimsreisuna mína. Mig langaði mest að labba upp að gellunni og þakka henni formlega fyrir að kaupa fjaðraeyrnalokk. Sá eyrnalokkur færði mig 800 kr. nær Ástralíu.

Það er semsé allt komið á fullt í Ástralíu skipulagningu. Við Gunsa höfum fengið ferðahugmynd frá Kilroy sem satt best að segja hljómar ansi spennandi eða svona:

KBH-Singpore (tvær nætur)-Bali (10 dagar)-Sydney- Við förum svo á eigin vegum til Nýja Sjálands í ca. tvær vikur og munum ferðast upp Austrurströnd OZ allt til Cairns og þaðan til Darwin og Uluru. Frá Ástralíu fljúgum við svo áfram til Fiji þar sem við verðum í ca. vikur og þaðan förum við til L.A þar sem við verðum ca. 4 daga og svo tilbaka til KBH. Áætlað er að koma heim í byrjun maí, en fari svo að við höstlum e-a brimbretta- og sólkyssta gaura, gæti allt eins farið að við myndum framlengja dvöl okkar, enda lítið um slíka gaura í Sódómu Reykjavík. Við erum að reyna að sækja um atvinnuleyfi í Ástralíu en það virðist ganga treglega, það er þó einkum um að kenna ríksstarfsmönnum í Ástralíu sem eru haldin miklum starfsleiða, að okkur ávinnst lítið í þeim efnum. Ef einhver þekkir til starfsmanns á innflytjendaskrifstofu í Ástralíu, sem hugsanlega væri hægt að múta, þá væri nafn og e-mail viðkomandi vel þegið.

Samhliða áætlaðri Ástralíuför hef ég ákveðið enn strangara fjárhagslegt- og heilsusamtlegt aðhald. Það þýðir að ég mun hætta að kaupa vín á börunum og taka vasapeall hver sem ég fer, líka í bíó. Ég fór í sund í dag og rak krakkana af brautinni í fyrstu ferð og lét eins og ég ætti laugina. Mér tókst að halda brautinni fyrir sjálfa mig í góðar 20 mín en þá fór öldruðu konunum að fjölga. Mér finnst faktískt best hafa þær á sömu braut, af öllu fólkinu sem sækir Vesturbæjarlaugina, en ég vet verið viss um það að rassinn og lærin á þeim hristast meira en mín og þegar einstaka gaur slæðast á brautina þá er minni samkeppni. Meika samt ekki að hafa gaura með sundgleraugu á eftir mér á brautinni...þá fyrst verð ég spéhrædd.

Ég og Döggin fórum að skoða íbúðina hjá Önnu og Freysa...rosa fín, þau vory sannarlega heppin með hana þessa!

Jæja...ætla að halda áfram að horfa á that ´70´s show sem er virkilega vanmetin skemmtun!

P.s ég minni svo á verslunina ONI þar sem fallegu fjaðrafylgihlutirnir fást ; )

Ný vika, ný vandamál

2004-07-13T20:42:00.000Z

Dásemd mín á Dönum gæti hugsanlega farið snar minnkandi ef grunur minn reynist réttur. Fékk e-d bréf frá skattinum í Danmörku þar sem þau vilja meina (eftir því sem ég kemst næst) að ég skuldi rúml. 4.600 Dk í skatt. Nú fyrir þá sem eru ekki vissir með dönsku krónuna....ÞÁ ER ÞETTA RÚMLEGA FOKKING 50.ÞÚS KALL! Ég er ekki par ánægð, en enn sem komið er, held ég nokkurn vegin ró minni, vegna þess að ég er sannfærð um að þetta er einhver misskilningur, enda oft e-m hálfvitum um að kenna þegar vandamálin leita mig uppi...t..d eins og þegar greiðslan á VISA kortið mitt týndist í bankanum, þegar mamma sendi mér stígvélin mín í pósti og þeim var keyrt upp að dyrum hjá rónunum í næsta stigagangi (það þurfti að kalla á lögregluna til að endurheimta stígvélin) ja eða þegar ég fæ misvísandi upplýsingar frá opinberum starfsmönnum og on and on and on...Sagan er í raun og veru endalaus vegna þess að ég er með eindæmum óheppin, eða áran mín einfaldlega er hlaðin að neikvæðri orku. Stefnan er því tekin í litlu Danmörku á Íslandi, sendiráðið sjálft, þar sem ég mun leitast við að fá skýringar við þessum misskilningi. Það er jú ekki eins og ég hafi verið að selja dóp í KBH eða sjálfa mig og "gleymt" að borga skatt. Ég bara get einfaldlega ekki skilið afhverju þeir bögga ekki ISS PISS....ég var að vinna hjá þeim og það er þeim að kenna ef skatturinn var vitlaus reiknaður. Mig svo sem grunaði að það væri ekki allt með feldu með yfirkvensuna hjá PISS hana Lene Hansen frekar en restina af Hansen klaninu.

Annars var helgin góð og ég lenti í lágmarksböggi á djamminu. Það góða við áruna mína er (þó stundum pirrandi) að það man enginn eftir mér svo að ég get næstum gengið út frá því vísu að fólk sem er að bögga mig...(já og vice versa)....man ekki eftir mér! Við Gunsa soon to be Ástralíu -ferðafélagi, töltum yfir til Daggar eftir að hafa gengið úr skugga um að nestið okkar væri í góðu lagi, ekkert að renna út og myndi líka renna vel niður. Úffa, vinkona Daggar átti afmæli svo það var margt um manninn og mikið stuð. Við Dögg kíktum svo einn stuttan göngutúr út í góða veðrir og ég prófaði ógeðslega skemmtilegt trampólín í bakgarðinum á Ljósvallagötunni og hoppaði þar eins og smákrakki allt þar til eigandinn kom æstur út í gluggan og benti mér á að drullast niður. Við Dögg fórum svo í felur og fengum smá fíling yfir því hvernig er að vera trampolin-terroristi. Versta var að ég var ekki í camuflage klæðnaðinum mínum, heldur djammgallanum og því auðsjánleg í mittisháa birkirunnanum. Eftir smá terrorista fíling snérum við Döggin heim og síðan fór fólkið að týnast smá saman niður í bæ til að mála bæinn bleikann. Það var hellingur af fólki í bænum og merkilegt hvað vín sást á mörgum. Við vorum að sjálfsögðu edrú eins og sönnum íþróttakonum sæmir ; ) enda keyrðum við beint í bæinn eftir 100 metra hlaupið sem við kepptum í á Sauðarkrók. Ég kom heim um 7, banhungruð enda tekur oft ansi mikið á að djamma, edrú eða ekki.

Samhliða heilsuátaki nr. X (löngu búin að missa töluna yfir fjölda heilsuátaka á árinu) hef ég hafið lesátak, en markmið þess er að fara að lesa jafn mikið og þegar ég var krakki í sveitinni (og það voru margir kílómetrar í jafnaldra mína) og las næstum því allt sem hönd á festi á bókasafninu sem var álíka stórt og íbúðin mín. Ég ætla að drekka í mig alls konar fróðleik, drama-lífsreynslusögur jafnt sem bækur um samsæriskenningar og snorkling í Ástralíu. Ég stakk reyndar upp á því við Gróu vinkonu að við myndum stofna bókaklúbb og hætta að djamma....RIGHT!

Risið upp frá dauðum

2004-07-08T18:00:00.000Z

Loksins hef ég næga orku til að blogga, ég held að mér takist að halda mér vakandi í cirka 20 mín, röddin er að koma, ég er ekki lengur með bauga niður á nef og já, vínlyktin er að víkja fyrir ilmvatninu mínu.

Það var tekið á því um helgina, á því leikur nokkur vafi. Og þvílíkt stuð hefur sjaldan verið í Birkifelli. Við menningarmafían, eins og bróðir minn kallar okkur, lögðum af stað úr Sódómu um 8 á fimmtud. kveldi og tættum austur án þess að löggan tæki okkur. Þegar við renndum í hlaðið í Birkifelli beið okkar humarsúpa a la mamma og henni var svolgrað niður í blandi við bjórinn sem var í bjórkútnum út á palli. Mamma og Höddi eru sannir höfðingjar heim að sækja og því var búið að tjalda fyrir mafíuna svo við skelltum okkur svo út í tjald og fengum okkur nokkra kalda fyrir svefninn og hlustuðum á fuglasönginn í túnfætinum.

Á föstudeginum rifum við okkur svo upp og Dögg, Anna og Freyr fóru í sund á meðan ég græjaði básinn með Ágústu. Við skelltum okkur svo heim og græjuðum okkur fyrir kvöldið og fórum svo aftur út eftir. Þar var mikið húllum hæ og merkilega mikið stuð miðað við fámennið. Þegar búið var að loka básnum fórum við á fyllerí og röltum um svæðið og fórum í Akureynna sem er bátur á þurru landi og þar var sko nikkan þanin á fullu og þar voru sko stigin nokkur spor eða svo. Döggin vildi hvergi annars staðar vera en við fengum hana loksins með okkur í Pakkhúsið þar sem líka var stuð og svona oldies spiluðu alvöru sveitarokk. Þá kom það sér nú vel fyrir Döggina að þekkta heimamann sem gat frætt hana um karlpeninginn sem steig í vænginn við hana, en þegar ég sá einn gaurinn gefa henni auga, var ég ekki lengi að segja henni að ég hefði nú séð kynfærin á þessum þegar ég var í 10.bekk, og það var ekki undir neinum rómantískum aðstæðum, heldur var gaurinn einfaldlega á eyrunum fyrir utan ball og vildi greinilega sýna gripinn og ota sínum tota en hann sumsé girti niður um sig eitt sinn fyrir utan ball.

Við kíktum aðeins á Víkina og þá fékk Freyr heldur betur að kynnast dreifara stemmaranum, þegar honum var hótað þrisvar að hann yrði barinn. Nú það þarf varla að taka það fram að við ákváðum bara að biðja Birkifells-sætarferðir að renna eftir okkur, mömmu og Hödda. Þegar heim var komin þurftum við notlega að róa okkur niður svo við héldum bara áfram að drekka, átum hrán hval og lékum fífl til 7 um morguninn en þá var kominn tími á smá kríu. Á laugardeginum var merkilega gott ásand á okkur miðað við aldur og fyrri störf en síðan var aftur farið á Höfn í sund og sölubás og síðan fórum við heim í 17 manna grillveislu sem mamma og Höddi slógu upp, í rauninni fyrir okkur prinsessurnar og vini okkur : ) Þar var margt og mikið á boðstólnum og enn meira áfengi. Freyr og Óskar spiluðu á gítar og sundu þakið ætlaði hreinlega að rifna af kofanum, en stemmingin var gríðarleg. Við Anna og Dögg kíktum svo aftur út eftir um kvöldið og Döggin tætti strax í nikkugengið í Akureynni, tilbúin í smá snúning upp á dekki. Þaðan fórum við á ball í Íþróttahúsinu sem var frekar slappt, en ég lét það nú ekki á mig fá, haugfulla manneskjan, og skemmti mér konunglega allt þar til dyraverðirnir sáu að ég hafi lummað mér inn! Til að gera langa sögu stutta þá var ég ekki ánægð yfir að fá ekki að fara aftur inn og lá ekki á skoðunum mínum. Ef svo ólíklega vill til að umræddir dyraverðir lesi bloggið mitt, þá eru þeir hér með beðnir formlega afsökunnar á framferði mínu : )

Á sunnudeginum var ansi mikil þynnka í gangi og við lögðum ekki af stað í bæinn fyrr en um 2. Við komum svo við á Lóninu og fórum í siglingu í sólinni og fengum sérlega VIP treatment, en við fórum í Zodiak, fengum ís fyrst og þar að auki fría ferð...þið hefðuð átt að sjá svipinn á úllunum!! Þeir voru að rifna úr afbrýðissemi!!
Við tættum svo í bæinn en í minningunni er ferðin ansi stress blendin en ég ætlaði á Metalica tónleika síðar um kvöldið. Það var ekki útséð með það hvort ég kæmist, enda umferðin gríðarlega mikil og við alltof sein á ferð. Gröfugengið, bróðir minn og vinir hans voru á eftir okkur og ég fór svo með þeim yfir Mosfellsheiði og beint á tónleikanna, sem voru asni magnaði og góðir. Ég mæti á svæðið eins og sannur rokkari, með skítugt hár, inna lyktandi af svitalykt og vínstækju, ómáluð og ekki fersk. Ég lét það þó ekki á mig fá...en verð samt að segja það að ég var mjög undrandi á því hvernig flestar pírurnar "héldu andlitinu" í svitanum og hitanum....spurning hvaða make-up dæmi þær nota?! Það er hins vegar alveg merkilegt hvað maður tekur eftir því á svona fjöldasamkundum hversu Íslendingar eru orðnir feitir, öööö....ekki smart! Og það sem meira var að ég hef sjaldan séð eins mikið af fólki beru að ofan...ja nema kannski á sólarströnd í útlöndum. Þar sem ég meika ekki þegar nakið ókunnugt fólk rekst utan í mig, líkt og í sundlaugum, þá var ég vel á verði á tónleikunum, því það er fátt ógeðslegra en þegar feitir, loðnir, sveittir, berir að ofan karlar rekast utan í mann! Ég var merkilega mikið á verði miðað við annars mikinn doða eftir helgina. Ég var svo föst á bílaplaninu hjá Óskari í um klukkutíma upp í Grafarvogi eftir tónleikana og var komin heim um 2 og sofnum um 3. Það er því skemmst frá því að segja að ég var ekki sæt í vinnunni á mánudaginn, enda 2. í þynnku. Svo tók við 3. og 4. í þynnku en ég held að ég sé að jafna mig í dag...loksins.

Það verður þó að segjast að það sem stendur uppi eftir helgina, eru þau ótal skemmtilegu og fyndnu atvik sem áttu sér stað og þær ótrúlega mörgu góðu samverustundir sem ég átti með vinum og fjölskyldu, svo ég tali nú ekki um að geta loksins komist út á land. Þessar minningar eiga eftir að ylja mér um hjartarætur um ókomin ár ekki síður en en ódrukkið áfengi : )
Þetta var frábær helgi og ég get ekki beðið eftir Tjaldað í túnfætinum 2005!!

P.S hver veit nema TÍT 2004 myndir verði settar inn á bloggið á næstunni?!

Tjaldað í túnfætinum 2004

2004-07-01T17:31:00.000Z

Já það er komið að því...stórviðburðurinn Humarhátíð á Hornafirði hefst á morgun. Tjaldað í túnfætinum 2004 -aka south Iceland road trip hefst þó í dag og innan skamms munum við Dögg, Anna og Freysi leggja af stað út úr bænum með harðfisk í annari og landakort í hinni. Ekki það að ég rati ekki til Hornafjarðar, landakortið er bara svona meira upp á stemmarann, vona bara að Dögg hafi munað eftir Vegahandbókinni.

Fyrir þá sem það ekki vita -og munu hugsanlega leggja leið sína á "Honnafjörð" þá verð ég í selskap við 3 aðrar ungar dömur að selja handverk okkar og hönnun. Þá erum við ekki að tala um litla sauðskinnskó eða lopapeysur heldur "hip og cool" dót eins og Kamilla myndi segja. Mæli eindregið með því að þið kíkið við, kaupið og styrkið þar með heismreisu mína haustið 2004 ; )

Það bíður okkar humarsúpa að hætti Hödda og bjórkútur í boði Ölgerðarinnar þegar við rennum í hlaðið. Það er víst að við munum ekki slá hendinni á móti þessum kræsingum, en þótt hvítvínið þykji alla jafna mikilvægt með humri, þá hef ég tamið mér bjórinn og líkar vel svona bjómar-bragð.

Ég get engan vegin leynt því að ég er orðin rosa spennt fyrir þessum viðburð, enda alger dreifari og ég elska þegar bærinn fyllist að fólki og maður getur loksins leyft sér að horfa á myndarlegu gaurana...sem eru ekki allir skyldir manni líkt og Hornfirðingar (það gæti m.a. verið ástæða þess að ég geng ekki út, m.a. ég er jú skyld meirihluta Hornfirðinga). Það eru tvö ár síðan ég var á Humarhátíð en ég var "notlega" í KBH í fyrra og var næstum búin að kaupa mér farmiða til Íslands í e-u bríaríi. Ég gerði það þó ekki og fór á Hróarskeldu í staðinn...reyndar á sunnudegi (það var uppselt áður en nýtt visa-tímabil kom, en það var beðið eftir því með mikilli eftirvæntingu í mínum herbúðum á sínum tíma).

En jæja...best að tjekka á öllum veðurspánum!

Góða helgi!!

Þar lágu Danir í því!

2004-06-27T22:24:00.000Z

Samúð mín er með Dönum í dag. Það var leitt að þeir unnu ekki Tékkana, sérstaklega í ljósi þess að dönsku landsliðsmennirnir eru með hærri meðaleiknunn hvað útlit varðar, en þeir tékknesku. Ég horfði semsagt á leikinn og áður en útsending hófst var rifjaður upp sigur Dana á EM árið 1992 og það helltist yfir mig svona þjóðarstoltstilfinning, svona eins og þegar ég las í Mogganum að íslenski hesturinn fengi jafnvel að vera með í opnunaratriðinu á vetrarólympíuleikunum í Kanada, jú og þegar ég las frétt þess efnis að við værum 5. mesta bjórdrykkjuþjóð í heimi...kaupi það reyndar ekki alveg, en Írar komust ekki einu sinni á blað yfir topp 10.

Ég ætlaði að vera grand á því áðan og keypti mér grísasneiðar og kartöflusalat. Þetta var mjög gott og allt í lagi með það...þangað til ég fékk herfilega í magann og er enn með í maganum. Þar sem ég á mér ekkert líf þá ákvað ég að tæta niður í 10-11 og bera fram kvörtun, því ekki nóg með að þetta kostaði helling þá sit ég uppi með mat sem ég er ekki að fara að elda aftur. Þau í 10-11 sögðu mér að hafa samband við SS, því þeir myndu víst greiða svona lagað margfalt tilbaka. Ég er nú ekki búin að gera það upp við mig hvort ég bjalli í þau í SS, hefði gert það núna ef þau væru með einhverja kvöld-kjöt-símalínu. Samtalið gæti orðið eitthvað á þessa leið; Góðan daginn, ég keypti ket í 10-11 á Eggertsgötunni í gær, svona mexikólegnar gríðasneiðar en ég var búin að bjóða tengdó í mat og ætlaði nú aldeilis að heilla þau upp úr skónum, enda í fyrsta skipti sem ég býð þeim formlega heim til mín. Ég steikti svo grísinn á pönnu alveg í gegn og svo settumst við að snæðingi. Það höfðu komið með dýrindis rauðvín sem er víst rosalega gott með grís. Það er svo ekki annað nema þegar við erum sest inn í koníaksstofuna að matinum loknum þá fáum við bara hvert af öðru svona líka herfilega í magann. Ég var auðvitað alveg miður mín, og athugaði með dagsetningar á kjötinu sem reyndust vera í lagi. Ég skil samt ekkert í þessu en sem meðlæti vorum við með kartöflur og salat sem var allt nýtt. Ég ræddi við vaktstjóra 10-11 og hann benti mér á að tala beint við ykkur, og mín spurning er því þessi, hvernig takið þið á svona kvörtunum? (lesist með rödd Bibbu á Brávallagötunni)

Ef við höfum í huga komandi helgi, Tjaldað í túnfætinum 2004 og allan mannskapinn sem þar verður, væri ekki amalegt að fá inn nokkra grísi að mexikönskum hætti, ja og kannski nokkra íslenska sauði með. Það er því kannski ekki svo galin hugmynd að bjalla í SS.

Á fimmtudaginn fór ég á Deep Purple sem voru ansi góðir og komu verulega á óvart sé aldur þeirra hafður í huga. Það var þó fleira sem kom á óvart, en það var crowd-ið sem var þarna, en ég veit ekki hvað sumt af þessu fólki heldur sig, það er svo sannarlega ekki í Kringlunni eða á Laugaveginum og því síður á skemmtistöðunum sem ég stunda. Ég að tala um síðhærða stráka á mínum aldri í fatnaði sem hefur ekki verið fyrir augum almennings síðan á 10.áratugnum þegar Jet black Joe var upp á sitt besta. Þeir eru örugglega alltaf í e-m hasspartýjum...djös...dópistar! Annað sem kom á óvart var allt fulla liðið, svo ég tali nú ekki um fullu kellingarnar en ég spottaði meira að segja tvær sem voru komnar á trúnó um 10-leytið. Við vorum á góðum stað en þrátt fyrir það sá ég ekki sérlega mikið enda í klassískri kvennhæð, 170 cm. Við hliðina á okkur var eitthvað gengi um 30 og þar á meðal svona ekta "Brúðkaupsþátturinn JÁ-par" hún svona freek og hann bara rænulaus karlmaður sem gerir allt eins og gellan segir. Hún var fokking óþolandi og alveg óð með tyggjóið, leit út fyrir að vera á spítti en á sama tíma leit hún líka út fyrir að vita ekki hvað spítt er. Gæjinn hennar var eins og Pocahontas, já Pocahontas er sæt...en hún er stelpa. Hann var semsagt mjög fínlegur og krullótta niður-að eyrum-hárið hans var ekki að undirstrika neina karlmennsku. Hann leit út fyrir að vera svona frjálsíþróttagaur, örugglega rakaður á fótunum til að minnka vindmótstöðuna í spretthlapinu. Þessi hárgreiðsla hans átti þó heldur betur eftir að koma sér vel og vera eitt helsta kennileiti fyrir staðsetningu Helgu sis og Óskars en í eina bjórleiðangrinum sem lagði í, fann ég þau eftir að hafa spottað Krulla út í fjöldanum. Bjórinn var líka svo ógeðslega dýr að ég ákvað að láta ekki freistast oftar en einu sinni -lítil dolla á 500, það gerir líter á 1500 sem brýtur í bága við mannréttindi.

Núna er ég að horfa á Helgarsportið eins og sannur sportisti (right). Það var viðtal við e-n nýjann fimleikaþjálfa sem var að dásama aðstöðu til fimleika iðkunar á Íslandi og hann sagði m.a. að það væri nauðsynlegt að byrja ungur að æfa til að ná árangri. Þá rifjaðist upp fyrir mér fimleikadellan sem ég fékk einu sinni í sveitinni. Ég byrjaði því að æfa mig sjálf í túnfætinum og þá var vitanlega ekki hægt að keyra með mig á e-r fimleikaæfingar 30 kílómetra nokkrum sinnum í viku. Ég var orðin nokkuð góð í arabastökki, handahlaupum og fl. Þessar æfingar dugðu mér þó ekki til að komast á toppinn, en ég held reyndar að ég hafi áttað mig á því á miðju æfingatímabilinu að ég myndi seint komast á toppinn, en æfingartímabilið varði þó ekki lengur en eitt sumar eða svo. By the way...hver sér eiginlega um lagaval í Helgarsportinu...það er verið að spila Baywatch lagið undir myndum frá sundkeppnismóti...hvað er það?!

En nóg um Helgarsportið...nú er Spurt að leikslokum og farið yfir leiki dagsins...best að tjekka á því.

Eins og ég segi...ég á mér stundum ekkert líf og með þessu áframhaldi mun rassgatið á mér verða svo stórt að ég þarf að borga tvö flugsæti og kaupa efni í fermetratali þegar ég ætla að sauma á mig föt, auk þess sem ég mun þá alveglega útiloka þann möguleika að einhver karlmenn vilji þýðast mér og því síður til langframa. Ja nema kannski þeir sem fíla feitar konur sem eiga 5 ketti...já ég verð pottþétt feit kattakona sem lifir fyrir að horfa á karlmenn spila fótbolta og kvarta undan skemmdum mat. Ég er samt að byrja annað heilsuátak! Drekka minna, vill heldur ekki vera lifuð feit kona, synda meira og borða hollan mat! Rock on! ...eða þannig!

p.s...what goes around...comes around...týndi debetkortinu mínu í gær...eftir því sem ég best veit hefur ekki enn verið tekið út af því.

Sporty spice

2004-06-22T18:47:00.000Z

Það held ég að maður sé búin að vera duglegur í dag! Fór í leiðangur frá Alþjóðaskrifstofunni að skoða húsnæði sem er í boði fyrir erlenda stúdenta. Ég og Birna á ASK byrjuðum niður á Granda og enduðum upp á Barónstíg eftir nokkrar krókaleiðir. Eftir vinnu fór ég svo í sund og synti 500 metra...JÁ 500 metra! Fór svo heim og eldaði heilsufæði.

Núna sit ég svo fyrir framan sjónvarpið og er að fylgjast með leik "ættjarðar minnar" sjálfra Dana! Nú vantar mig bara einn kaldann Carlsberg og þá væri ég meira en góð...ok já ég veit að þá myndi ég drekka á mig mörina sem ég tapaði í sundinu, en hey það kemur dagur eftir þennan dag en EM er ekki á hverjum degi.

Passaði mig að ná upphafi leiksins svo ég gæti tjekkað gaumgæfilega á Dönunum og keppinautum þeirra í extreme close-up og ég er að segja ykkur að Danir brugðust mér ekki núna frekar er fyrri daginn. Ætla að reyna að fá æfingamyndbönd frá landsliði Dana svo ég geti horft á þá á hverjum degi ef mér sýnist svo!

En jæja...nú er það 150% einbeiting

Sveitasælan og sólstingur

2004-06-20T21:21:00.000Z

Helgin sem bráðum er búin var ein sú besta sem ég hef átt í langan tíma...enda á út á landi lífið oft betur við mig en það sem gerist innan borgarmarkanna.

Undanfarið hef ég orðið þess æ meira áskynja hversu fáránleg uppbygging úthverfanna er. Það er ekkert að því að búa í úthverfi, en það sem er hins vegar fáránlegt við úthverfin er hversu ógeðslega langan tíma það tekur að komast orðið á milli borgahluta hérna, væntanlega þó einkum vegna þess að borgarbúar vilja ekki búa í fjölbýli heldur þurfa endalaust að vera að rembast við að reisa e-s steinsteypuklumpa sem þeim endist ekki ævin til að borga af. Föstudagurinn var svona týpíksur föstudagur þegar maður ætlar að útrétta ógeðslega mikið en kemst ekki lömnd né strönd vegna umferðarteppu alls staðar, meira að segja í botnlöngum! Nema hvað ég fékk semsagt formlega ógeð af bílamenningunni hér á fostudaginn og var í svo vondu skapi að ég hvæsti. Svo fór í í e-a vefnaðarvöruverslun þar sem ég hitti svo indæla konu að hún bjargaði eiginlega deginum fyrir mig, fyrir utan hvað efnin voru ódýr hjá henni. Kíkið í kaffi til þeirra í Saumasporinu við tækifæri, þið verðið ekki svikin!

Anyways...ég hafði fengið þá snilldarhugmynd í 17. júní í þynnkunni að fara í útileigu. Það fékk góðan hljómgrunn og á laugardeginum var tætt út úr bænum í átt að uppsveitum Árnessýslu. Við enduðum svo í Þrastaskógi..."vegna þess að það er bara fjölskyldufólk velkomið á Laugarvatni og það á að vera komin þögn á tjaldsvæðinu kl. 12!" Eins og ég segi, þá er einhleypu fólki mismunað á öðrum sviðum en í stærð matvæla (magn miðast yfirleitt við 2 eða fl.) Við fórum líka upp að Gullfoss og Geysi og allt það og fórum svo í kaffi á bæinn þar sem Óli var í sveit. Það var sko ekta að komast á sveitabæ í heimatilbúið bakkelsi, fyrir utan hvað það vakti upp margar æskuminningar að finna smá fjósalykt sem svíkur ekki!

Anna og Freysi hittu okkur svo í Þrastaskógi en þá var farið í að leita af tjaldplássi...sem var ekkert svo auðvelt því tjaldsvæðið var pakkað með treilerhás fjölskyldum og það má vitanlega ekki vera með hávaða e. 12! Fundum svo e-n lund þar sem við skelltum upp át og drykkjubúðum! Við grilluðum svaka góðan mat og drukkum vel með. Síðan skelltum við okkur á tjaldsvæðið þar sem við rifum upp stemmarann í e-u vinnustaðatjaldbúða dæmi frá Þorlákshöfn. Það var svaka stuð á okkur og vonandi mun ljósmyndaafraksturinn verða birtur á þessu bloggi innan skamms, þökk sé tæknuvæddu vinkonum mínum!
Í morgun rifum við okkur svo upp um hádegi og tættum af stað á Laugarvatn þar sem við lágum í bleyti í heitum potti í nokkra tíma. Síðan var ferðinni haldið á Þingvelli þar sem við gerðumst öllu þjóðlegri en á 17. júní og gengum um Þingvelli í einn og hálfan tíma og klifruðum um stokka og steina eins og smákrakkar og drukkum vatn úr Öxaránni eins og sannir fjallamenn og konur. Eftir þjóðlega klifurferð fórum við á Eyrarbakka þar sem við skoðuðum ættaróðalið hennar Önnu og fengum okkur að borða dýrindismat á Rauða húsinu. Þau fá alveg mín meðmæli, sérstaklega rúccola salatið með humri! Ég koma svo heim um 8, sólbrennd á nefinu, með vægar harðsperrur en stærðarinnar Sóleheimabros eftir æðislega helgi í uppsveitum Árnessýslu.

Það er gott til þess að vita að það tekur ekki langan tíma að fara út fyrir borgarmörkin, sérstaklega þegar maður er búin að fá yfir sig nóg af Sódómu Reykjavík. Get heldur ekki beðið eftir að komast heim í Hornafjörðinn á þegar stefnað verður tekin á "Tjaldað í túnfætinum 2004" betur þekkt sem Humarhátíðin á Höfn. Það verður eflaust mikið fjör enda alltaf stuð þegar við erum annars vegar ; )

Framhaldssaga mánaðarins

2004-06-18T19:29:00.000Z

Á miðvikudeginum fórum við gellugengið út eftir að hafa analysereað allt milli himins og jarðar...tættum niður í bæ og þegar við vorum hálfnaðar ákváðum við að taka leigubíl...Döggin veik og svonna. Ég sá kramda mús, og við erum að tala um alveg blað-þunna. Merkilegt hvað klærnar héldu sér þó.

Við fórum fyrst á Ölstöfuna og settumst í stúku, höfðum gott útýni og blönduðum geði við gesti og gangandi. Það settust e-r RÚV gaurar hjá okkur og hvað haldið þið annað en ég hafi óvart hellt rauðvíni yfir andlitið á einum (eitt sinn sjensi)...en það var notlega ekki mér að kenna heldur gaurnum sem rakst í mig. Mér dettur ekki í hug að taka ábyrgð á svona löguðu enda var ég einungis milligönguaðili rauðvínsins sem lennti í andlitinu á gaurnum.

Jæja svo ætluðum við á KB, en biðröðin þar var eins og biðröð eftir brauði í fyrrum Sovétríkjunum...ekki sniðugt. Svo þá skildust leiðir og ég og Dögg fórum á Celtic og Anna hélt áfram að reyna við KB. Á Celtic hitti ég sætann og skemmtilegann gaur (sem gerist ekki oft svo ég ákvað að tjatta meira við hann). Hann var álíka hrifnuminn af mér og ég að honum -eða svo sagði hann 10X og ég bara brosti og tók Fegurðardrottningarveifið, ekki sérlega góð að taka drukknu hrósi. Nú svo kemur e-r gella (dökkhærð með græna hringi um augun sem stundum er kallað augnfarði, sennilega fædd á 9. áratugnum og því ekki búin að ná sama forskoti og ég í hamborgara- pizzumenningunni.) Anyways, þau fara að spjalla og ég hafði nú allan varann á en ég hafði séð þau spjalla saman um kvöldið. Síðan næ ég gaurnum á eintal og ítreka það að ég ætli ekki að vera varaskeifa og segi honum að það sé e-r gella að bíða e. honum. Nú hann náði að fullvissa mig um að ég væri engin varaskeifa, ég væri alltof mikil gella til þess. Nú þar sem reynsla mína af gaurum fæddum á 9. áratugnum hefur ekki verið sérlega góð upp á síðkastið, þá ákvað ég að bregða á það ráð að spyrja gaurinn um skilríki, svona til að ég væri ekki að eyða tímamínum í e-ð óþarfa hjal! Nú hann reyndist vera fæddur á 8. áratugnum og það sem meira var, 5 árum eldri en ég. Það þótti mér plús þar sem flestir ungkarlar á þessum aldri eru með e-ð pakkatilboð á bakinu þegar þeir eru komnir á þennan aldur, þ.e.a.s krakka og e-ð og ég nenni ekki e-u svoleiðis, bara svona til að hafa það á hreinu. Allavega, svo fór daðrir nú að aukast og hann hélt áfram að sannfæra mig um að ég væri flottasta gellan á svæðinu og daðrið var í hámarki. Svo fórum við í þennan líka rokk sleikinn, kemur þá ekki gellan askvaðandi og bankar í okkur og öskrar skrækri röddu "hvað er eiginlega í gangi hérna, er það svona sem þú kemur fram við mig?!" OG ÞAÐ VARÐ ALLT VITLAUST! Ég dró mig til hlés og fór frá, vitandi að ég væri aðeins of mikil gella til að standa í rifrildi við e-r fyrrum runner-up í fegurðarsamkeppni Gullbringu-og Kjósasýslu! Hitti þá vin gaursins, sem þóttist ekki vita neitt um neitt....alltaf sama samsærið! Þegar þetta fór að dragast á langinn og garuinn var augljóslega að sleikja fíluna úr litlu stelpunni, mundi ég, MÉR TIL MIKILLAR ÁNÆGJU að ég væri enn með debetkortið hjá gaurnum! Svo á meðan á þessu rugli stóð þá bauð ég sjálfri mér og vini gaursins upp á bjór....MEÐ KORTINU HANS! Enda sniðug stelpa þarna á ferð. Sé ég svo ekki hvar gaurinn töltir í burtu með gelluna. Ég var því augljóslega úr leik í það skiptið...EN EKKI DEBETKORTIÐ! Til að gera langa sögu stutta þá "splæsti gaurinn" á alls 6 bjóra og leigubílinn fyrir mig heim, og það var stórhátíðartaxti! Ég held að ég hafi náð að láta hann muna eftir mér. Því miður er þetta ekki VISA, því þá væri ég og vinkonur mínar á leið í helgarferð!

Ekki þar fyrir að ég er nú ekki alveg svona vond. Ég ætla að hafa samband við hann með e-m leiðum og bjóðast til að borga útgjöldin....en ef ég næ ekki í hann...well hann óheppinn að vera ekki skráður í símaskránni. Ég var samt að komast að því að það er e-r gella skráð á sama símanúmer...sú held ég að verði reið þegar hún kemst að því að gæjinn hafu látið kortið frá sér...hvað er það?! Þetta kennir honum kannski að treysta ekki öllum sem verða á vegi hans.
Það verður því spennandi að fylgjast með næsta skrefi í þesari dramasögu...verst er ef hann er svo kannski smá klár þá gæti hann haft upp á mér!

Í gær fórum ég ,Dögg, Óli, Anna og Silja saman í Blá lónið til að sleikja sólina og fá smá brunku. Þetta var mjög anti-þjóðlegur dagur hjá okkur þrátt fyrir einkar þjóðlegann dag. Við byrjuðum á því að koma við á McDonalds, einu helsta tákngervi banradískrs menningarauðs. Það klikkaði ekki frekar enn fyrri daginn, enda eru Flugleiðir nú farnir að fljúga svo títt á milli USA og Íslands svo að hormónakjötið er ekki nema nokkra daga gamalt þegar það kemur á McDo. Eftir það fórum við í Blá og flutum innan um leðjutúrista, sem gerðust jafnvel svo djarfir að maka leðjunni í hárið á sér! Eftir nokkra tíma í bleyti fórum við og elduðum tortillasveislu sem var mjög góð. Sumsé allt frekar anti-þjóðlegt sem við gerðum í gær.

Um helgina ætlum við svo í útileigu út á land og kynna okkur lifnaðarhætti Snæfellsnessins. Eflaust margt áhugavert að sjá þar enda hef ég aldrei komið lengra út á nesið en til Stykkishólms.

Well well....ég þarf að fara að kynna mér heimasíðu Hagstofunnar svo ég geti skipt um nafn strax á mánudaginn!

Súrealísk sundferð

2004-06-15T18:05:00.000Z

Já, já nú er heilsuátak á fullu...skellti mér í sund áðan og afrekaði það að synda 250 metra án þess að blása úr nös..ja eða svo gott sem. Síðan fylltist brautin af e-m sem voru að fara á sundæfingu eða eitthvað og ég ákvað bara að láta þessa sundæfingu eiga sig og vera með næst... Stefni samt á að geta synt kílómeter í lok sumars, jafnvel fyrr. Ef mér tekst það þá verð ég komin í betra form en gellurnar í Baywatch, en þær þurfa hvort eð er bara að synda 100 metra eða svo út í sjó hverju sinni. Samt er svo gott flot í sílikonbrjóstum að þær geta reyndar bara látið sig fljóta að þeim sem er að drukkna.

Fór svo í gufu og sá e-n gaur...elti hann svo í pottinn og sá þá að hann var ekkert sætur heldur var gaurinn í hinum pottinum verulega myndarlegur...en þegar ég sá konuna hans og krakkann ákvað ég að vera um kyrrt í mínum potti. Mitt í glápinu á gaurinn fór ég að heyra e-r stunur og mér varð litið til gellunnar sem var í nuddinu í pottinum. Þegar hún fór að stynja all verulega og lyftast upp og niður stóð mér ekki alveg á sama...kannski var hún með vatnsvarinn víbrador með sér í lauginni?! Þegar ómyndarlegi gaurinn fór líka að stynja (gellan var reyndar farin) þá ákvað ég bara að láta mig hverfa, það var aðeins of mikið af gröðu liði í þessum potti fyrir minn smekk.

Ég annars búin að finna mér nýjan starframa sem ég held að gefi ágætlega af sér miðað við minimum vinnusemi...nei, það er ekki að vinna á skrifstofu hins opinbera eða í símaskránni heldur að vera þjálfari í e-u íþróttum! Fyrir flesta þjálfara gildir reglan "eins manns puð er annars brauð" eða m.ö.o. þí getur haft það notalegt meðan e-r íþróttafríkur puða. Sjáum t.d sundþjálfa...þeir hanga bara á bakkanum í fötunum og segja öðru hverju; já takið nú 10 bringusundsferðar...já Gunnar góð handtök í skriðsundinu, haltu áfram á þessari braut" Og það sem meira er þá þarf maður ekkert að mæta í íþróttagalla, gæti þess vegna mætt á háhæluðum og pilsi ef það væri gott veður. Ég er að spá í að kynna mér þetta starf aðeins betur, ekki þar fyrir að ég þarf þá væntanlega að kynna mér sundgreinina aðeins betur, horfa á nokkra ólympíuleika og heimsmeistaramót, restina get ég lesið mér til um á Netinu ekki satt?!

Annars væri mest til í að þjálfa landsliðið í fótbolta, þá hefði ég löglega afsökun til að lumma mér í búningsklefann með þeim að loknum leik og stappa í þá stálinu ef þeir eru ekki að standa sig, já og gefa þeim koss á kinnina ef þeir eru rústa keppinautunum!
Þar sem íþróttalið eru oftast ansi þéttur félagsskapur, þá væri þetta eins og að eiga 18 hjásvæfur (geri ekki ráð fyrir að ég myndi nenna að tjilla með þeim utan vallarins) og hver væri ekki til í það?!

Quiz Diva.com!

2004-06-09T19:13:00.000Z

BWWWWAHAHHAHAHAHAHAHHA!!!!

Ég er sko heldur betur búin að finna út hvað maður getur gert þegar það er sól...þó án þess að fara út! Eftir nokkrar vangaveltur um að íslenskir strákur séu einfaldlega ekki "my cup of tee" sannfærðist ég endanlega þegar niðurstöðurnar úr prófinu "What foreigner should you date"? Ég þarf varla að undirstrika það að ég ætla til Ástralíu í haust!

You Should Date An Australian!

You're a down to earth, outdoorsy kind of girl

And you need a guy who can keep up with your adventures

A rugged Austrailian guy is just your style

Better start learning how to surf!

Which Foreign Guy Should You Date? Take This Quiz :-)

Find the Love of Your Life
(and More Love Quizzes) at Your New Romance.

Óhagstæð kattamatsinnkaup

2004-06-09T17:14:00.000Z

Var í Melabúðinni áðan, þeirri snilldarbúllu. Þá var mér litið á afgreiðsluborðið hjá gaurnum fyrir framan mig. Það var haugur af instant kattamat, svona one meal in one packet, og nokkrir hlutir til manneldis. Ég leiddi að því hugann hvaða sorglegi og einmanna gaur gerði svona vel við köttinn sinn og mér var litið upp. Sjálfur Dabbi Odds stóð þá við hliðina á mér, hver annar hefur efni á að gera svona vel við köttinn sinn?!...en hvernig var það...átti hann ekki hund?! Ég myndi að sjálfsögðu kaupa skynsamlegra inn, t.d. dósakattamat (meira fyrir minna) en ég efast stórlega um að Dabbi þurfi að velta svoleiðis smáatriðum fyrir sig. Hann reiddi fram þúsarana meðan ég gramsaði eftir visakortinu mínu í veskinu mínu með ónýta rennilásnum og varð óneitanlega hugsað til ólíkrar stöðu okkar. En hey, mér er alveg sama...ég er hvort eða er búin að fá yfir mig nóg af þessu fjölmiðlafrumvarpi og ég frekar sátt við að versla á visa í stað þess að liggja inn í einhverri skrifstofu og grúa mig yfir leiðindar pappíra og pæla í öllu og engu sem tengist fjölmiðlafrumvarpinu...svo ég tali nú ekki um togstreituna sem hefur skapast milli þeirra einstaklinga sem teljast stjórna landinu og lýðnum á einn eða annan hátt.

OK-ég veit að ég er ekkert sélega "politically correct" núna í ljósi þess að ég hyggst starfa við fjölmiðla e-n tíman á lífsleiðinni svo auðvitað "ætti" ég að vera á kafi í þessari umræðu. Það verður þó að segjast...og ég held að við getum verið öll sammála um það ...að þessi umræða er orðin frekar þreytt, hvort sem við þorum að viðurkenna það eða ekki.

En mikið rosalega er Ástþór Magnússon mikið fílf! Ég las í frétt í Fréttablaðinu í dag þar sem talað var við Ástþór en þá var hann akkúrat á 150 km hraða á Kelfavíkurveginum að elta Ólaf Ragnar til að reyna að fá svar við því hvort myndi taka áskorun Ástþórs um að mæta í sjónvarpskappræður á móti honum. Ég held að manninum væri nær að spara sér þessa 100 kalla sem fara í kostningabaráttuna og fara frekar í geðrannsókn, ja eða íslenska ríkið ætti kannski að blæða og þá myndum við kannski ekki hafa þennan vitleysing fyrir augunum í nokkra mánuði. Það á að setja hann inn á Réttargeðdeildina að Sogni, þar á hann heima. Ja það væri sko sumarfrí að losa við feitra karlinn með gúppífiska augun úr fjölmiðlunum, vælandi um að hann fái ekki neina umfjöllun og væl, væl! Aumingja konan hans, það getur ekki verið að hún vaði í vitinu...með fullri virðingu fyrir henni.
Sem betur fer skilja útlengingar fæstir íslensku svo þeir skilja ekki þá endemis vitleysu sem kemur út úr Ástþór í fjölmiðlum. Það verður seint sagt að þessi maður sé þjóðinni til sóma.

Af hverju fær maður alltaf samviskubit yfir að vera innandyra þegar það er sól og gott veður hér á Íslandi?! Ég er núna í þessum skrifuðu línum upp í rúmi, gónandi út um gluggan á húsþökin á hinum stúdentagörðunum (já svona er útsýnið hjá mér). Auðvitað ætti ég að vera úti að gera eitthvað...en hvað? En ég er ekki með garð sem ég get spólað í og potað niður garðálfum, ég er ekki með krakka í vagni, svo ég get væntanlega ekki farið út á röltið með einhvern gemling, og ég þoli ekki að skokka, svo það er lost case.
Ég held að maður fái alltaf samviskubit af því að það er svo sjaldan gott veður hérna, það er allavega mín kenning. Þegar ég bjó útí KBH síðasta sumar þá fékk ég ekki einu sinni móral af því að leggja mig eftir vinnu ef það var sól...ÞVÍ ÞAÐ VAR 80% líkur á að það yrði sól daginn eftir. Síðasta sumar var reyndar óvenju gott í KBH, það hefur kannski e-ð að segja, fyrir utan hvað það var gaman að versla þar og hvað það eru miklu fleiri sætir strákar þar en hér.

Bæ þe vei...ég kynntist niðurskurði á Landspítalanum-unihospital að eigin raun í dag. Ég hringdi í e-a gellu til að fá upplýingar um hvort ég gæti fengið afrit af KB-kjaftæðis-áverka vottorðinu. "Já, já það er hægt en þá þarf ég að fá skrifalega beiðini og þú þarft að ná í vottorðið sjálf á opnunartíma"...sem er er akkúrat vinnutíminn minn....Í ALLT SUMAR! og NEI, pakkið getur ekki skutlað þessu dæmi í afgreiðsluna..."því eins og þú eflaust hefur tekið eftir í fjölmiðlum þá er mikill niðuskurðuð á Landspítalanum-háskólasjúkrahúsi svo þú verður að ná í þetta........! Þegar ég heyri svona rugl (ofan á allt hitt KB-kjaftæðið) langar mig mest af öllu að öskra og ganga berseksgang....en þar sem ég er nýbyrjuð í nýrri vinnu þá reyndi ég að bæla niður mestu reiðina. Svo...surprise, surprise...er rukkara gellan á KB farin í sumarfrí fram í hið óendanlega af því er virðist. Það verður seint ofsögum sagt að allt sem tengist samskiptum við opinberlega aðila gangi vel fyrir sig þegar ég á í hlut....ég er virkilega farin að halda að ég sé með e-a neikvæða opinbera orku! En ég neita þó alfarið að taka á mig alla sökina því það er einfaldlega allt of mikið af fílfum í íslensku þjóðfélagi!

Mánudagur til mæðu

2004-06-07T08:42:00.000Z

Eftir annasama og skemmtilega sólarhelgi er ég frekar þreytt...með svona áframhaldi verð ég orðin verulega "lifuð" fyrir aldur fram. Hef því hafið heilsuátak nr. 24.

Ég fór með pabba rokk á Deep purple upphitunartónleika á Nasa á fimmtudaginn og það var ansi mikið stöð. Þeir Páll Rósinkrans og co. voru bara nokkuð góðir og ég get ekki sagt annað en ég hlakki til að fara á alvöru tónleikana. Er strax farin að spá í hverju ég á að vera...verð að finna mér eitthvað rokkað outfit!

Á föstudeginum hélt ég síðbúið afmælisboð og sló upp humar-sumarveislu og bauð genginu. Við gerðum Mojito bollu og voru þ.a.l ansi hress og skemmtileg! Síðan héldum við niður í bæ en ég hafði því miður ekki mikið úthald enda búin að eta og drekka ótæpilega.

Á laugardaginn var fjölmennt í sund til að pústa út þynnkunni og síðan fórum við Kamilla og Dögg á ljósmynndasýningu í ljósmyndaskóla Sissu. Sýningin var fín og margt áhugvert í gangi. Mæli með sýningunni en henni líkur einmitt í dag svo endilega hafið hraðann á. Um kvöldið var hittingur hjá Kamillu og við héldum svo -surprise-surprise- út á lífið. Fínt djamm.

Sunnuagurinn -þvottadagurinn mikli- var góður enda sól og sumar niður í bæ, sund, ísrúntur o.fl. eða ekta sumar-tjilldagur.

Eins og gefur að skilja er ég frekar þreytt eftir helgina en svefnleysi eftir helgina má einnig rekja til annars en útstáelsis en svo virðist sem margra mánaða lágdeyða hjá parinu á efri hæðinni hafi tekið enda í gær. Þau eru annars frekar reglusöm með þetta og má næstum segja að það sé hægt að stilla klukku eftir planinu þeirra sem á sér yfirleitt stað milli 12 og eitt aðfaranætur mánudaga, mér til lítillar ánægju þar sem ég er yfirleitt mjög þreytt eftir helgarútstáelsi. Og það var sko maraþon hjá þeim í gær...

Er í vinnunni að hringja til Frakklands...djö..er ég sleip í frönskunni!

Ferða- (og sukk)sagan!

2004-06-01T19:58:00.000Z

Jæja þá er ég komin til landsins nokkrum túsundköllum fátækari en mörgum minningumi ríkari

Við Anna Lind lentum um miðnætti á fimmtudeginum í KBH og var stefnan tekin beint á barinn eftir að við höfðum dáðst að nýju íbúðinni hennar Röggu Ló...rosa fancy! Við stelpurnar- ásamt fleirum-tókum stefnuna á Moose...shabby bjórbúllu og Íslendinga hangout með meiru en þrátt fyrir oft á tíðum ansi mikla sána stemmingu þá er það yfirleitt þess virði að fylla sig þar, enda tveir fyrir einn á fimmtudögum, laugardögum og þriðjudögum. Það er skemmst frá því að segja að þessir dagar eru ansi vinsælir til að svala þorstanum og fimmtudagurinn var þar engin undantekning! Fyrst komum við við á Wallstreet sem er leiðinlegur staður í meira lagi en eflaust mjög skemmtilegur ef maður fílar danskt rapp og gaura sem eru augljóslega utan að landi og hafa hellst aftur úr tískulestinni.

Þegar ein íslensk gella og vinkona mín hvarf fljótlega til að sinna kalli nátturunnar og kom ekki aftur, en klósettin á Moose eru ekki heillandi svo það er sniðug hugmynd að svara kalli náttúrunnar annars staðar...,,say in someones bed"! hehehehe sat ég ein eftir með bros á vör og dró að mér Stevie úr that 70' show...bara sætari, en svona grínlaust þá var gaurinn með krullur, í brúnum leðurjakka og með sólgleraugu. Ég spjallaði við hann dágóða stund en þar sem kauði er frá Álaborg varð ég svolítið að kinka kolli og sagði bara ,,já...aha...ég skil (EKKI ORÐ AF ÞVÍ SEM ÞÚ SEGIR). Nú meðan á samtali okkar stóð var hann allan tíman með sólgleraugun og ég starði í speglaglerið og reyndi að sjá hvort gaurinn var með gerviauga eða kannski rangeygður eða tileygður en það eina sem ég sá, var að ég þyrfti að fara í húðhreinsun! Nú ég komst að því síðar um morguninn að augun á honum voru í lagi og einnig að gaurinn rataði EKKERT í KBH...hélt í alvörunni að Amager væri í grennd við Strikið...but hell no! Meira að segja ég...úlinn sjálfur, rata betur í kBH en hann!

Á föstudeginum leit ég út eins og það hafi vöruflutningabíll keyrt yfir mig...og bakkað líka- ekki sérlega sæt þann daginn. Ég lét það þó ekki aftra mér í innkaupaferðinni minni þarf sem ég var með VISA tilbúið á lofti í nokkra tíma, svo gott sem til einskins því ég fann fátt annað en nærföt, sokka ...já og efni til að sauma úr...sem er frekar hallærislegt í ljósi þess að maður vill kaupa tilbúin föt í útlöndum en skrapar saman fyrir efnispjötlum hér á landi! Um kvöldið átti ég svo afmæli....(ég er að gefa ykkur færi á að óska mér til hamingju með daginn...þeir taka það til sín sem eiga það ; ) ) og við gellurnar fórum á indverskan stað og átum á okkur gat eins og sönnum íslenskum konum sæmir. Eftir það fórum við á Peder Oxe sem er kokteilabar og þar drukkum við nokkra kokteila á chick-friendly verði og blikkuðum alla sætu garuana enda vorum við í sleika keppni sem byggist á því að hver sem fer í sleik við gaur fær eitt stig, tvö stig fást fyrir ljóta gaura (það vill enginn kyssa þá), 0,25 stig fyrir stráka undir 20 ára (þeir eru svo auðveldir), 0,25 stig fyrir karla yfir 50 (líka svo auðveldir) 5 stig fyrir gaurar sem við vorum allar sammála um að væru myndarlegir (einn féll þó niður í 2 stig þegar líða tók á kvöldið sökum ölvunar=auðveldari). Síðan voru gefin 3 stig fyrir að stinga undan dönskum stelpum. Þess ber þó að geta að ekkert stig fékkst fyrir að slefa upp í Íslending...þar sem það jafngildir að kyssa skildmenni í útlöndum!
Við vorum því í miklu stuði eins og geta má þetta kvöld og tókum stefnuna á Riesen og Idealbar enda eru þessir staðir annálaðir fyrir hátt hlutfall myndarlegra danskra karlmanna og það kom á daginn að það hefur ekkert breyst! Kynjahlutföllin voru okkur mjög hagstæð í byrjun á Idealbar en það var cirka 70/30 kk á móti kvk! en því miður snérust hlutföllin við þegar líða tók á kvöldið. Við sáum tvífara Jónsa í Svörtum fötum og ég var búin að hugsa mér að vinda mér upp að honum og segja; ,,skjús mí! Did you compete for Iceland in the Eurovision song contest recently?" en hann rétt slapp. Eftir að hafa slefað yfir myndarlegum gaurum fór ég heim að sofa til að safna orku fyrir laugardaginn en þá átti sko heldur betur að taka á því og rústa sleik-keppninni!

Laugardagur
Búðir enn og aftur...enda síðasti sjens. Lenti næstum undir 500 brjáluðum magadansmeyjum sem voru að dilla sér á Strikinu vegna carnivals í KBH...en ég rétt náði að skjóta mér inn í búð þar sem ég festi kaup á gríðarlega fallegu skópari :) Um kvöldið fórum við Gróa og Guðrún á djammið sem var svaka stuð. Síðan hringdi Reynir í mig og við hittumst á Cozy bar eftir miklar hremmingar! Fyrir það fyrst var enginn taxi á Amagertorv og ég var bara einfaldlega ekki að meika að þramma á háhæluðum skóm nokkrar götur...svo ég fékk mér hjólastrák sem púlaði fyrir mig fyrir smáaura. Það var geggjuð biðröð fyrir utan Cozy bar sem er hommastaður. Nú þar sem ég meika ekki biðraðir þá ætlaði ég rétt að skjóta mér framhjá og koma með einhverja klassíska sögu sem virkar yfirleitt hér á Fróni. Hommaskarinn ætlaði að tryllast og ég hef aldrei orðið fyrir eins miklu kynferðislegu áreiti, þrátt fyrir að þeir hefðu engan kynferðislegan áhuga á mér þá vissu þeir hvernig á að bæla mann niður! Helv...hommarnir!!! og NOTA BENE nú er ég að tala um einstaklinga í þessari biðröð...ekki alhæfa um samkynhneigða karlmenn...þeir gjörsamlega trylltust og einn ætlaði að henda mér niður stigann sem er jafn brattur og tréstigi í elstu húsunum upp á Árbæjarsafni og hann hefði hæglega getað hálsbrotið mig! Ef þið eruð ekki alveg að ná myndinni reynið að ímynda ykkur cirka 30 homma sem skríkja og öskra eins og hópur af hænum og ein og einn leðurhomma sem reynir að hálsbrjóta mig...og svo mig haldandi dauðahaldi í stigahandriðið mjög svo miður mín á kynjahlutföllunum og þeirri staðreynd að í fyrsta skipti á ævinni var ég gjörsamlega fótum troðin og átti mér einskils ills von nema gefa undan og fara að væla! En þá kom SUPERWOMAN til hjálpar og huggaði mig...en það gat náttúrulega ekki annað verið en að bjargvættur minn myndi hafa kenndir til kvenna- jafnt sem karla- en bjargvættur minn var sumsé bæjari frá Pakistan! Hann hjálpaði mér að gleyma niðurlægingunni (að láta 30 karlmenn öskra á sig eins og 50 kerlingar...og ná yfirhöndinni) en við ræddum um stöðu samkynhneigðra í Pakistan og hann sagði að það væri miklu betra að vera samkynhneigður í KBH en heimalandi sínu...well go figures!

Þegar ég komst loksins inn til Reynis, Guðna og vina þeirra var mér borgið og gleðin tók við. Við héldum áfram á djamminu langt fram undir morgun og dönsuðum gleðidans við ABBA sypu á Nevermind eftir að við höfðum yfirgefið kvennfyrirlitningastaðinn Cozy bar! ...kíktum svo á McDo til að ná upp tapaðri orku ; )

Sunnudeginum var eytt í þynnku í Kongens Have...eins og gefur að skilja enda var þreyta í fólki eftir annasama verslunar- og drykkjuhelgi. Það var ansi ljúft og ég fékk staðfestingu á því sem ég vissi...að ég ætti að reyna að sækja um að fá Amalienborg leigða út svo ég gæti opinberlega átt heima í Kongens Have...og já já ég set það ekkert fyrir mig að passa eitthvað drottningardjásn...það væri bara gaman að bjóða fólki í þemapartý!

Kom svo heim í gær og það var gjörsamlega ekki þverfótandi fyrir Þjóðverjum á flugvellinum og í vélinni heim...sem betur fer gat ég sofið af mér þeirra ,,fagra froðusnakk!!" um allt og ekki neitt....en aðalega kvíðaumræður um verðlag á Íslandi.

En úrslit helgarinnar verða því miður ekki gefin upp hér að sinni en þau voru skemmtileg og sum komu á óvart! Hins vegar vorum við stelpurnar flestar sammála um þá niðurstöðu (byggist þó ekki eingöngu á helginni) að danskir strákar væru einkar gefandi og myndu setja sjálfa sig í 2. sæti...á meðan íslenskir strákar setja sig flestir í 1. sæti...það má þó ekki alhæfa út frá þessum niðurstöðum enda byggjast þær á eigindlegum rannsóknaraðferðum og útrakið er ekki ýkja stórt. Aðrar niðurstöður benda til þess að íslenskir strákar séu fjarskafallegir í samanburði við þá dönsku og þau ykkar sem hafa verið í KBH vita hvað ég á við. Ekki nóg með það, þá sáum við danskan tvífara Orlando Bloom en ég veit ekki til þess að neinn íslenskur strákur geti talist tvífari Orlandi Bloom. Niðurstöður benda því til að það halli ansi mikið á íslenska stráka þegar svona samanburður er tekinn upp og skýrir það eflaust af hverju æði margar íslenskar stelpur sækja til Danmerkur til lengri eða skemmri tíma en það gengur náttúrlega engan vegin að giftast fjölskyldumeðlimi og eignast innbreaders! Ég hef því ákveðið að ef það kemur til þess að ef ég enda uppi sem kona einsömul þá mun ég leita til Strokens kilinik, og kaupa mér dollu af dönsku gæða sæði!

Rock on!

2004-05-27T09:18:00.000Z

The day has come! ég er á leiðinni til KÖBEN...ég get ekki beðið og er með tilhlökkunnar-stresshnút í maganum! Ég er búin að pakka og til í slaginn, ætla að gæta þess gaumgæfilega að nýta drykkjumöguleika í fluginu!

Annars er ég gríðarlega hamingjusöm núna -fyrir utan að vera að fara til KBH- en ég náði rokkáverkunum úr snjóhvítajakkanum mínum í gær. Þetta er meðferðin sem jakkadruslan fékk; biotex =tvær umferðir, sódavatn= 1 umferð, 1X hreinsun=sóun á peningum, Þjarkur=húsráð móður minnar (virkar), Vanish Oxy spray=1 umferð, Bio Tex superspray=1 umferð! Eftir alla þessa meðferð náðist þetta loksins úr...að mestu en það eru svona "skuggar" á jakkanum....en það er bara "töff!" Annars get ég mælt með Bio tex superspray en það skemmtilega við það er að það virðist virka og kemur í svona skemmtilegri "travel size" svo að sjálfsögðu fer það með til KBH...já ásamt hvíta skóárburðinum því ég er alger böðull og blettasullari. Ef vel ætti að vera þyrfti ég alltaf að borða í glærum heilgalla til að koma í veg fyrir bletti og vera í svona bláum sjúkrahúspokum yfir hvítu skónna þegar ég fer í þeim á djammið...þá myndi ég komast hjá verstu blettunum og skemmdunum!

En nóg um húsráð og blettahreinsanir!

Ég ætla að halda áfram að hlakka til og skipuleggja KBH ferðina í huganum! Hugsið fallega til mín á morgun þegar ég verð 23 ára!!

ROCK ON!

Ekki á morgun heldur hinn...

2004-05-25T20:16:00.000Z

FER ÉG TIL KÖBEN!!!!! Það er hér með gert kunngert að 23. afmælið mitt verður haldið í Kaupmannahöfn og öllum er boðið sem sjá sér fært að mæta...ef þið komist ekki...þá læt ég við síðar með frekari afmælisfagnað hér á landi!
Ég flýg út um kl 1800 á fimmtudaginn og því mun upphitun fyrir afmælið -sem hefst formlega á miðnætti- strax í flugvélinni! Ég vona þó að þynnka muni ekki hamla villtri verslunarferð á föstudeginum og jafvel laugardeginum líka! Ég hlakka alveg gríðarlega mikið til enda langt síðan ég ráfaði um KBH, með H&M poka í annari og hammara í hinni! hehehe Annars held ég að ég láti McDo vera og haldi mig við ,,hefðbundinn danskann" mat líkt og Kebab, tyrkjapizzur og kínverskar núðlur! Ég er samt strax farin að kvíða því að þurfa að yfirgefa ástina mína einu (KBH)...best ég kaupi tissjú í fríhöfninni til öryggis...ætla líka að kaupa Lonely Planet guide um Ástralíu, ég er ekki tilbúin að eyða 10% af laununum mínum í slíkan doðrant í Eymundsson eða M&M!!!! Djöss...græðgi alltaf hér í verslunarfólki!

Ég var að sjá auglýsingu á ungfrú Ísland á Skjá einum sem er hallærisleg í meira lagi! Ekki nóg með myndir af stelpunum séu teknar í Kringlunni, heldur eru þessi myndskeið vægast sagt ljóskuleg og það vantar bara veifið... veifið sem sem er einkennir royalista og fegurðardrottningar! Þegar maður sér svona auglýsingar þá verður ekki hjá því komist að efast um gáfnafar þátttakenda, þó í raun og veru segi þetta meira um gáfnarfar aðstandenda keppninnar vegna bagalegra auglýsingaaðferða!

Jæja...ég þarf víst að henda saman einni ritgerð í kvöld svo ... best að bretta upp ermarnar!

P.S.

2004-05-24T23:35:00.000Z

Getur einhver leiðbeint mér með að setja inn mynd á kantinum...þar sem linkarnir eru og þar???
Er búin að prufa allan skra...en það gengur ekki upp!

Drottning lúðanna snýr aftur!

2004-05-24T22:40:00.000Z

Ha ha ha! Það hlaut að koma að því að ég gæti ekki þagað lengur...nei annars ...á morgun er síðasti kennsludagurinn í Hagaskóla svo ég ákvað að taka sjensinn og starta nýju bloggi...já ástæðan er líka sú að það er komið sumar, ég á bráðum afmæli og er mjög líklega að fara til KÖBEN á fimmtudaginn. Ég ætla ekki að hafa mörg orð um tilgang ferðarinnar annað en VISA mu styrkja þetta bjórdrykkju- og innkaupakeppnisferðalag...en ég er ókrýndur Íslandsmeistari á þeim sviðum...allavega Austur-Skaftafellssýslumeistari!

Brimbrettagellan er nýjasti tiltillinn minn, -lúkkar líka vel í símaskránni! Það átti að vera blondie, en einhver lufsa er með það blogg, en eftir að hfafa hakkað eitt Kit Kat í mig ákvað ég slóðina á bloggið. Reynslan hefur kennt mér að nota ekki nafnið mitt í slóðina! Ekki þar fyrir en ég stefni að því að verða Ástralíu meistaði í öldureið innan árs! Fyrst þarf ég reyndar að hefja (og framfylgja) heilsuátaki nr. 22 á þessu ári, en ég stefni á því að kaupa mér brimbrettakeppnis-bikini í haust.....þau eru lítil, enda má ekk vera of mikil mótstaða við vatnið auk þess sem maður neglir nú varla brimbrettagaura í sundbol sem er eins og ('80) rúllukraga-samfella!

Þrátt fyrir dæmann árangur í íþróttum fram að þessu (ég er líka ókrýndur Íslandsmeistari í að skora sjálfsmörk) þá trúi ég því að ég eigi mér framtíð í öldureið. T.d sem æfingartrix þá ætla ég að henda bjórdósum út í sjó....og sörfa að þeim. Ég verð orðin góð eftir kassa!

Jæja best að fara að skipuleggja hvaða djammföt ég ætla að taka með mér til KBH!